د ځوانانو له وړيا ښوونيز مرکز څخه ۲۷۹ تنه ځوانان فارغ شول

په سمنګان ولایت کې د اطلاعاتو او کلتور ریاست د ځوانانو چارو آمریت له وړیا روزنیز مرکز څخه ۲۷۹ ځوانان فارغ شول.
دغه ځوانانو د اکټید موسسې په همکارۍ د شپږو میاشتو په اوږدو کې په کمپیوټر، انګلیسي ژبه، د برقي وسایلو ترمیم، دري ادبیاتو او ویناوالۍ برخو کې روزنه ترلاسه کړه.
د سمنګان ولایت د اطلاعاتو او کلتور ریاست د ځوانانو چارو آمر صبغت الله زرقاوي وویل: دا ځوانان اوس کولای شي، له خپلو زده کړو ګټه پورته کړي او د خلکو او خپل هېواد په خدمت کې ودرېږي.
فارغ شويو ځوانانو د دې ډول روزنیزو پروګرامونو د ترسره کولو له امله د اطلاعاتو او کلتور ریاست څخه مننه وکړه او غوښتنه یې وکړه چې ورته نورې روزنیزې برنامې هم برابرې شي.

۱۴۴۶/۶/۹ هـ ق
۱۴۰۳/۹/۲۱ هـ ل