د ځوانانو د سوداګريزو وړتیاو د پراختیا له مرکز څخه لیدنه او څارنه وشوه
د تخار د اطلاعاتو او کلتور رئيس مولوي ذبیح الله انصاري د ځوانانو د سوداګریزو وړتیاو د پراختیا له مرکز څخه لیدنه او څارنه ترسره کړه، د دې لیدنې موخه د زده کړو بهیر ارزول، د روانو فعالیتونو کتنه او د یاد مرکز له ستونزو او اړتیاوو څخه ځان خبرول و.
د ځوانانو د سوداګریزو وړتیاو د پراختیا مرکز مسؤل د زده کړیزو پروګرامونو په اړه هر اړخیز معلومات وړاندې کړل او ویې ویل: دې مرکز کې د وېب سایټ مهارتونو، آنلاین سوداګرۍ، انګلیسي ژبې او کمپیوټري پروګرامونو برخو کې ځوانانو ته منظمه روزنه ورکول کېږي.
د اطلاعاتو او کلتور رئيس د معلوماتو تر اورېدو وروسته، د دغه مرکز صنفونو، کمپیوټر لیب او نورو برخو څخه لیدنه وکړه او له نږدې يې د درسي بهیر او تخنیکي امکاناتو څارنه وکړه، نوموړي د مرکز فعالیتونه د ځوانانو د ظرفیت لوړولو او د نوي نسل د په پياوړتیا کې مثمر او ارزښتمند وبلل او د مسؤلینو او استادانو له هڅو څخه یې قدرداني وکړه.
په پای کې د اطلاعاتو او کلتور رئيس د ځوانانو ملاتړ،د دوی د مسلکي مهارتونو د ودې او اقتصادي پراختیا هڅې ارزښتمنې وبللې او زیاته یې کړه؛ چې ځوان نسل د هېواد حقیقي پانګه ده، باید د دوی د پیاوړتیا لپاره جدي پاملرنه وشي.
۱۴۴۷/۵/۲۷ هـ ق
