د پکتیکا په مرکز او څلورویشت ولسوالیو کې سيالۍ پیل شوې

پنجشنبه ( ۱۱ د محرم الحرام ۱۴۴۶) د پکتيکا ولايت د اطلاعاتو او کلتور رياست د ځوانانو چارو آمريت له لوري د پکتیکا د مرکز ښرنې په ګډون په څلور ویشت ولسوالیو کې د امـ ـارت پېژندنې کتاب سيالۍ پیل شوې.
د یادو سیالیو په دوام نن په یحیی خېل ولسوالۍ کې د یاد کتاب د اخیستل شوې آزموینې پايلې اعلان او غوره ګډونوال په بېلابېلو ډاليو ونازول شول.
د اطلاعاتو او کلتور ریاست د ځوانانو چارو آمر محمد ذاکر نایاب وویل: هڅه يې دا ده، چې د فـ ـکري ویښتیا لپاره د مطالعې او سالم رقابت په اساس د ځوانانو ترمنځ دا ډول پروګرامونه ترسره او ځوانان پکې خپل استعدادونه وغوړوي.
نوموړي وويل: د مرکز په شمول یې په ټولو ولسواليو کې د دا ډول سیالیو چارې پیل کړې دي.
د ازموينې ګډونوالو له اطلاعاتو او کلتور رياست څخه د مننې ترڅنګ وويل: دا ډول سيالۍ د ځوانانو د فکـ ـري اصلاح او له خپل تاريخه د ښۀ خبراوي لپاره اړينې دي، دوی غوښتنه وکړه، چې د فکـ ـري رغونې په برخه کې دې لا ډېرې هلې ځلې وشي.
د یادونې وړ ده, چې په ياده سیالۍ کې څه باندې (۲۰۰) تنو ځوانانو ګډون کړی و، چې په پای کې لومړي او دويم مقام ګټونکو ته ليپټاپ کمپيوټرونه، درېیم، څلورم او پنځم مقام ګټونکو ته مبايلونه او تر پنځلسم مقام پورې غوره ګډونوالو ته بېلابېلې جايزې او کتابونه ډالۍ شول.

۱۴۰۳/۴/۲۸ هـ ل
۲۰۲۴/۴/۱۸ میلادي