د پکتیا پوهنتون ستراتیژیک پلان لپاره د اطلاعاتو او کلتور رئیس سره مشورتي ناسته ترسره شوه
د پکتیا پوهنتون شرعیاتو پوهنځي رئیس مفتي محمد عمر فضلي او د ښوونې او روزنې رئیس ضیاءالرحمن زاهد د دغه پوهنتون ستراتیژیک پلان په تړاو د اطلاعاتو او کلتور رئیس مولوي ثواب جان اسلامیار سره وکتل.
د پکتیا د اطلاعاتو او کلتور ریاست او یاد پوهنتون تر منځ د یو بل سره اداري همغږۍ او کړنو د لا ښه والي په موخه ورته مشورتي ناستې ترسره کیږي.
دغه هر اړخیز ستراتیژیک پلان د پکتیا پوهنتون لپاره جوړ شوي، چې په نږدې راتلونکي کې به پلي شي.
مولوي ثواب جان اسلام یار پخپلو خبرو کې د ځوانانو او محصلینو په فکري روزنه، د علمي کچې په لوړاوي او علمي کدرونو ته د کاري فرصتونو په پیدا کولو ټینګار وکړ او له خپله اړخه یې د ځوان کهول فکري سمون او رغون په موخه د بشپړې همکارۍ ډاډ ورکړ.
۱۴۴۵/۸/۲۴ هـ ق
۱۴۰۲/۱۲/۱۵ هـ ل
