د نيمروز د اطلاعاتو او فرهنګ رياست د روزنيزو کورسونو دويم پړاو پرانيستل شو
د نيمروز ولايت د اطلاعاتو او فرهنګ رياست د روزنيزو کورسونو دويم پړاو نن په دغه ولايت کې پرانيستل شو.
د نيمروز ولايت د اطلاعاتو او فرهنګ رييس باختر آژانس ته وويل؛ په دې مرکز کې د ديني علومو ترڅنګ عصري علوم هم تدريس کېږي او اړتيا ده چې عصري علوم هم زده کړو .
هغه زياته کړه: دغه روزنيز کورسونه په لږو امکاناتو سره جوړ شوي ترڅو د ټولنې او ادارو اړتياوې پوره شي.
د یادونې وړ ده چې د نیمروز د اطلاعاتو او فرهنګ ریاست د روزنیزو کورسونو دويمه دوره په ۱۴ ټولګیو کې د (کمپیوټر، انګلیسي، خطاطۍ، عربي، د بیان فن او د ژورنالیزم اساسات) د څه باندې ۳۵۰ تنو زده کوونکو په ګډون پیل شوى چې د نهو تنو استادانو له لوري لوست ورکول کېږي.
د دغو روزنیزو کورسونو لومړی پړاو د مخه پیل شوی و.
کابل/ د سلواغې ١١/ باختر
