د غور ولایت سیمهییز موزیم ته ۱۳ تاریخي او لرغوني آثار ولیږدول شول
امنیتي ځواکونو د غور ولایت د دولتیار ولسوالۍ له اړوندو سیمو څخه دیارلس قلمه تاریخي او لرغوني آثار ترلاسه کړل او د دې ولایت د اطلاعاتو او فرهنګ ریاست اړوند موزیم ته یې وسپارل.
د غور د اطلاعاتو او فرهنګ رئیس وایي: په دغو آثارو کې لګن، د ډوډۍ پخولو لوښی، قاب، ملاقه، کاسه، کاشوغه او فلزي کړۍ شاملې دي.
نوموړي زیاته کړه، چې د دغو لرغونو آثارو تاریخي مخینه ټاکنه به ډېر ژر د لرغونپوهانو لهخوا معلومه شي.
د یادونې وړ ده، چې څه موده وړاندې هم د غور ولایت د تیورې ولسوالۍ له اړوندو سیمو څخه یوولس قلمه تاریخي او لرغوني آثار، چې لوښي، سکې، ګوتې او تڼۍ پکې شاملې وې، تر کشف وروسته د اطلاعاتو او فرهنګ ریاست موزیم ته لېږدول شوي وو.
۱۴۴۷/۱۲/۷ هـ ق
