د سیاحتي شرکتونو او آنلاین خدمتونو له مسؤلینو سره ناسته وشوه

لوګر ولایت کې د اطلاعاتو او کلتور رياست د رئيس دوکتور رفيع الله صميم په مشرۍ د سياحتي شرکتونو او آنلاين خدمتونو له مسؤلينو سره د همږغۍ ناسته وشوه.
د اطلاعاتو او کلتور رئیس دوکتور رفیع الله صمیم د دغه ناستې له جوړولو څخه موخه د شرکتونو او آنلاینو خدمتونو د مسؤلینو د ستونزو حل کول یاد کړل او ویې ویل؛ لوګر کې الحمدالله اکثره شرکتونو او د آنلاینو خدمتونو د ثبت مرکزونو، د فعالیت جوازونه ترلاسه کړي، د شرکتونو د ستونزو د حل برخه کې له بشپړ شفقت څخه کار اخېستل کېږي، شرکتونه هم باید د خپلو عوایدو ربعوار راپورونه له اړوندو مسؤلینو سره پر وخت شریک کړي.
د سیاحتي شرکتونو او آنلاین خدمتونو استازي حاجي بشیراحمد بشیري وویل: ډېر خوشحاله یو، چې زموږ کارونه قانوني شوي دي او هر وخت د اطلاعاتو کلتور ریاست مسؤلین زموږ کړنې له نږدې څاري او د ستونزو د حل کولو برخه کې راسره همکاري کوي.
د یادونې وړ ده، چې اوس مهال لوګر کې ټول ټال ٢٦ سیاحتي شرکتونه او د آنلاین خدمتونو د ثبت مرکزونه شتون لري.

۱۴۴۶/۸/۴ ق
۱۴۰۳/۱۱/۱۵ ل