د رسنیو له مسؤلینو سره د همغږي ناسته تر سره شوه

د زابل ولایت د اطلاعاتو او کلتور ریاست کې د یاد رياست د رئيس مولوي رحمت الله حماد په مشرۍ د اطلاعاتو امریت تر چتر لاندې د ټولو خصوصي رسنیو له مسؤلینو اوخبریالانو سره د همغږۍ ناسته ترسره شوه.
په یاده ناسته کې ښاغلي حماد له ټولو مسؤلینو اوخبریالانوڅخه مننه وکړه، چې د اسلامي امارت په راتګ سره یې په خپلو ټولو چارو کې اصلاحات راوستلي دي. ښاغلي حماد یادونه وکړه، چې داسي څه باید ترسره شي، چې دنظام، هېواد او ولس د ملاتړ سبب شي. 
نوموړي وغوښتل چې د رسنیو تر منځ په اړیکو رامنځته کولو کې، د مسؤلینو سره د همغږۍ په جوړولو او د خبري موضوعاتو پر نشر او ارزښت یو له بل سره همکاري وکړو، ترڅو پرمختګونه ولرو.
ورپسې د رسنیو مسؤلینو په يو لړ موضوعاتو او پرمختګونو خبرې وکړې او د اطلاعاتو او کلتور له ریاست څخه يې د همکارۍ او همغږۍ له امله مننه وکړه.

۱۴۴۶/۳/۲۸ هـ ق
۱۴۰۳/۷/۱۰ هـ ل