د خپلواکۍ پنځمه کلیزه په پوره جوش او ولولو سره د شاندارو مراسمو په ترڅ کې ونمانځل شوه
په ټول هېواد کې د اسلامي امارت د مشرانو، دیني عالمانو، مجاهدینو، قومي مخورو او ولسونو له لوري د خپلواکۍ پنځمه کلیزه (د زمري ۲۴مه) د فتحې ورځ په پوره جوش او ولولو سره د شاندارو مراسمو په لړ کې ونمانځل شوه، چې د مراسمو په لړ کې د امارتي ادارو او ځوانانو له لوري یو شمیر نظامي او سپورتي حرکات او تمثیلي پارچې هم ترسره شول.
د ۱۴۰۰ لمریز کال زمري ۲۴ مه نېټه د افغانستان اسلامي امارت د غیرتي ولس په مرسته د بې ساري قربانیو په ورکولو سره امریکایانو او متحدینو ته یې په سیاسي او نظامي برخو کې ماتې ورکړه او اسلامي نظام یې یو ځل بیا په هېواد کې قایم کړ، چې دا ورځ (دزمري ۲۴ مه) په تاریخ کې د ویاړمنې ورځې په نوم ونومول شوه.
د اسلامي نظام په بیا ځلې حاکمیت سره د هېواد په ګوټ ګوټ کې ډاډمن امنیت تامین شوی او د ټولنې ټول قشرونه یې تر سیوري لاندې په خوندي ډول ژوند تېروي، په تېرو پنځو کلونو کې اسلامي امارت په سیاسي، فرهنګي، اقتصادي، نظامي او ټولنیزو برخو کې سترې لاسته راوړنې لري.
د فتحې د پنځمې کلیزې د نمانځنې په مراسمو کې ولسونو په جوش او ولولو سره يو او بل ته مبارکۍ ورکړې او دا ورځ یې د افغانستان په تاريخ کې له وياړه ډکه ورځ وبلله همدارنګه په بېلابېلو ولایتونو کې تېره شپه د خپلواکۍ نمانځنې په موخه د ګڼ شمېر هېوادوالو په شتون کې حماسي مشاعرې ترسره شوې.
۱۴۴۸/۳/۳۰ هـ ق
