د تاریخي ابداتو ریاست پلاوي لغمان ته سفر وکړ
د اطلاعاتو او کلتور وزارت د هنر او کلتور معينيت اړوند د تاریخي ابداتو ریاست د رغونې برخې پلاوي لغمان ولايت ته د سفر په ترڅ کې د ياد ولايت د اطلاعاتو او کلتور رياست له رئيس او د کلتور او ګرځندوی له امر سره وکتل.
لغمان ولايت ته د ياد پلاوي د سفر موخه د دې ولايت د زيانمنو شويو تاريخي ابداتو بيارغونه او سروې ده.
د لغمان ولايت د اطلاعاتو او کتلور رياست رئيس مولوي عبدالنور رسولي پلاوي ته د ښه راغلاست ويلو ترڅنګ د اطلاعاتو او کلتور وزارت مقام څخه مننه وکړه، چې د دې ولايت د تاريخي آبداتو د سروې او بيارغونې په موخه يې مسلکي پلاوی راليږلی دی.
همدا راز د ليدنې په ترڅ کې د لغمان د اطلاعاتو او کلتور رياست مسؤلينو پلاوي ته د ټولو تاريخي آبداتو اړوند معلومات ورکړل او له دوی سره يې د هر راز همکارۍ کولو ډاډ ورکړ.
۱۴۴۶/۳/۴ هـ ق
۱۴۰۳/۶/۱۷ هـ ل
