د امام ابوحنیفه (رحمه الله) د فقاهت او علمي خدماتو په اړه علمي سیمینار وړاندې شو
د ننګرهار ولایت د اطلاعاتو او کلتور ریاست اړوند ښوونیز مرکز کې د امام ابوحنیفه (رحمه الله) د فقاهت او علمي خدماتو په اړه علمي سیمینار وړاندې شو.
مسؤلینو د امام ابوحنیفه (رحمه الله) د علمي مقام او تاریخي خدماتو په اړه خبرې وکړې او ویې ویل: امام ابو حنیفه (رحمه الله) د اسلام په زرین تاریخ کې یو ستر علمي شخصیت دی او د دې شخصیت په اړه مطالعه د ځوان نسل لپاره ارزښتناکه علمي پانګه ده، چې نه یوازې د ځوانانو فکري ځواک پیاوړی کوي، بلکې د عقیدې د لا ښه والي لپاره هم مهم رول لري.
دغه راز مسؤلینو د امام ابو حنیفه (رحمه الله) د فقاهت او علمي خدماتو په اړه معلومات وړاندې کړل، چې د ګډونوالو د ځانګړې پاملرنې وړ وګرځېدل.
د سیمینار په پای کې ګډونوالو د اطلاعاتو او کلتور ریاست له لوري د ورته علمي پروګرامونو د دوامداره جوړیدو د غوښتني ترڅنګ وړاندیز وکړ، چې دا ډول علمي سیمینارونه دې په لرې پرتو ولسوالیو کې هم جوړ شي.
۱۴۴۷/۷/۱۳هـ ق
