د اطلاعاتو او کلتور رئيس د تاريخي ابداتو او لرغونو سيمو څخه ليدنه وکړه
سهشنبه (۱۶ د رمضان المبارک ۱۴۴۵) د سرپل ولايت د اطلاعاتو او کلتور رئيس ملا عبدالغفار حقنما د امام زاده يحیی ابن زید شهيد له زيارت، مسجد او خشت پل څخه ليدنه وکړه.
ښاغلي حقنما د لرغونو سيمو او تاريخي آبداتو په ساتنه ټينګار وکړ دا يې د ټولو مسؤليت وباله او زياته يې کړه؛ کلتوري، تاريخي او لرغوني ميراثونه د هېواد ملي هويت دی او د هېواد لرغونتوب نړيوالو ته ورپېژني، نوموړي وويل: کلتوري، تاريخي او لرغوني ميراثونه په خلکو او بیت المال پورې اړه لري.
سرپل د تفريحي، لرغونو او تاريخي آبداتو درلودونکی ولايت دی، چې هر کال زرګونه سيلانيان ورڅخه ليدنه کوي.
