د اطلاعاتو او کلتور، پوهنې او ښاروالۍ ریاستونو تر منځ د هوکړه لیک لاسلیک شو
تېره ورځ د هلمند ولایت لښکرګاه ښاروالۍ په رياست کې د اطلاعاتو او کلتور رئیس حافظ عبد الباري راشد، ښاروال مولوي عبدالله روحاني او د پوهنې رئیس مولوي محمد عوض انصاري تر منځ د تمثیلي ښاروالیو جوړولو په موخه درې اړخیزه هوکړه لیک لاسلیک شو.
ښاغلي روحاني په مدارسو او ښوونځيو کي د تمثیلي ښارواليو د جوړېدو په هکله معلومات وړاندی کولو ترڅنګ زیاته کړه؛ په مدرسو او ښوونځيو کې د تمثیلي ښاروالیو جوړونه به دا ګټه وکړي،چې زده کوونکي به د خپلو ښوونځيو پاکوالي ته متوجه شي او کله چې فارغېږي په ښاري اصولو به پوه وي او د ښار په پاک ساتلو کې به زياته پاملرنه وکړي.
د اطلاعاتو او کلتور رئیس ښاغلي راشد وویل: د تمثیلي ښاروالیو په جوړولو سره به د ښوونځیو او مدرسو زده کړیالان وتوانېږي،چې د ښاروالۍ قوانین زده او په خپل کور، کلي او ښار کې عملي کړي.
د يادونې وړ ده، چي د لښکرګاه ښاروالۍ په لسو مدرسو او ښوونځيو کې د تمثیلي ښارواليو کمېټې جوړوي، چې وخت پر وخت به یې څارنه او ملاتړ هم کېږي.
۱۴۰۳/۱/۴ ھ ل
۱۴۴۵/۹/۱۳ ھ ق
