د اطلاعاتو او فرهنګ وزارت سرپرستې حسينې ساپۍ د اندونيزيا جمهوريت د بهرنيو چارو له وزير رتنومرسودي سره وکتل .

ehsan
چهارشنبه ۱۳۹۸/۱۲/۱۴ - ۹:۱۳
د اطلاعاتو او فرهنګ وزارت سرپرستې حسينې ساپۍ د اندونيزيا جمهوريت د بهرنيو چارو له وزير رتنومرسودي سره وکتل .

د اطلاعاتو او فرهنګ و زارت سرپرستې حسينې ساپۍ دافغانستان او د اندونيزيا د ښځو د پيوستون شبکې دغړو په توګه د اوو افغان ښځو د ورپېژندنې په  غونډه کې د دواړو هېوادونو د ښځو ترمنځ پر همغږۍ او پيوستون باندې  ټينګاروکړ .
د اطلاعاتو او فرهنګ وزارت سرپرستې په افغانستان کې په بېلابېلو برخو کې د ښځو د لاسته راوړنواو پرمختګونو يادونه وکړه او دافغانستان اواندونيزيا  د نږدي اړيکو په باره کې يې  خبرې وکړې .
هغې زياته کړه،  چې دسولې په پروسه کې د ښځو رول  ډېر اغيزمن دى او افغان ښځو په تېرو کلونوکې ډول ډول اوګټور نوښتونه  رهبري کړل  چې د سولې په پروسه کې اغيزمنه  ونډه ولري .
  هغې وويل:  د افغانستان حکومت  د هېواد په ټولو برخو کې د ښځو د رول د ودې اوپياوړتيا  غوښتنه وکړه.
حسينې ساپۍ  د تجربو په شريک کولو، عملي بېلګو او د اسلامي ارزښتونو په شريکولو کې داندونيزيا د ملاتړ د اړتيا په باره کې خبرې وکړې او د ښځو په زده کړې، روغتيا او اقتصادي  ځواکمن کولو  پورې  د اړوندو مشخصو سپارښتونو دتدوين په مقصد د افغانستان او اندونيزيا د ښځو د پيوستون شبکې  جوړول يې  مهم ګام وباله .
په همدې حال کې د اندونيزيا د بهرنيو چارو وزير رتنو مرسودي د ښځو د ظرفيت پياوړتيا يو مهم اصل وباله او زياته يې کړه چې  ما په دوحه کې نړيوالې ټولنې ته داپيغام ورکړ  چې افغان ښځې  په شاتګ نه کوي او افغانان دې باور ولري چې نړيواله ټولنه په بشپړه توګه د دغې لاسته راوړنې ملاتړ کوي .
د ښځو چارو  وزيرې دلبر نظري  په خپلو خبرو کې وويل چې د افغانستان  ښځو په وروستيو دوو لسيزو کې د دولت د مشرتابه په ملاتړ او د نړيوالې ټولنې په هراړخيز ملاتړ سره د زده کړې ، سياسي مشارکت او د ماشومانواو ميندو دمړينې دکمښت،  د منځني عمر په لوړولو او دحقوقي چاپيريال  د ښه والي په برخه کې د يادونې وړ پرمختګونو ته  لاسرسى پيداکړى دى او دادى د ښځو د اقتصادي  ځواکمنۍ دلوړولو لپاره هراړخيزې هڅې  دوام لري.
خو تپل شوې جګړه د دې سبب شوې ده  چې لا تراوسه پورې موږ  د هېواد په اقتصادي او ټولنيز ژوندانه کې د ښځودګډون په برخه کې له بېلابېلو  ننګونو سره  مخامخ واوسو .
داسلام د مقدس دين له لارښوونو سره په اعتدالي  قرائت په ډډې لګولو سره  د ژوندانه  په بېلابېلو برخو کې  د ښځو د مشارکت  لوړې کچې ته د رسېدو په برخه کې داندونيزيا جمهوريت ځلانده تجربې په افغانستان کې د ښځو غورځنګ  دمشرانو او فعالانو لپاره  ډېرې په زړه پورې او زده کوونکې دي .
  باور لرم چې په جاګارتا کې  دپاېدونکې سولې په خاطر د دواړو هېوادونود ښځو  د تېرکال  د نوامبر د ديالوګ ترسره کول  چې نننۍ غونډه په حقيقت کې د هغه دوام دى  او د دواړو هېوادونو ترمنځ د همکاريو کچه يې  ډېره لوړه کړې ده .
دغونډې په پاى کې  اووه افغان ښځې د افغانستان له لوري  د افغانستان او اندونيزيا د ښځو د پيوستون شبکې  دغړو په توګه  وروپېژندل شوې .
ديادونې وړ ده  چې نننۍ غونډه  د افغانستان او اندونيزيا د ښځو د ډيالوک  دوام (د سولې د رامنځته کولو، ساتنې او پايښت کې د ښځو د رول په باره کې ډيالوک، د تشو ډکول او د تجربو شريکول ) په ٢٠١٧ کال کې اندونيزيا ته دافغانستان داسلامي  جمهوريت دجمهور رييس محمد اشرف غني د رسمي سفر په بهير کې  د دواړو هېوادونو د جمهورو رييسانو ترمنځ  يو له موافقه شويو  مواردو څخه وو .
کابل /دکب ١٣مه/ باختر

تازه خبرونه

پنجشنبه ۱۳۹۹/۱۱/۲ - ۱۱:۰
Background image

د واټونو او عامه ښاري اماکنو د نومولو کمېسیون نوی طرزالعمل په اصولو کې تایيد شو

د واټونو د نومولو کمېسیون ناسته نن د اطلاعاتو او فرهنګ وزارت د سرپرست محمد طاهر زهیر په مشرۍ جوړه شوه.
د باختر آژانس خبریال د خبر له مخې؛ په دې ناسته کې د کمېسیون غړیو، د واټونو د. . .

چهارشنبه ۱۳۹۹/۱۱/۱ - ۱۲:۳
Background image

د ”عقرب تاريک“ د کابل پوهنتون تراژيدي کتاب مخکتنه وشوه

د “عقرب تاريک” د کابل پوهنتون تراژيدي کتاب پرون د اطلاعاتو او فرهنګ وزارت د سرپرست محمد طاهر زهير په ګډون د دغه وزارت د مطبوعاتو د نړيوال مرکز په تالار کې مخکتنه وشوه.
د باختر آژانس. . .

سه‌شنبه ۱۳۹۹/۱۰/۳۰ - ۱۱:۵۱
Background image

د دولتي ورځپانو او د افغان اعلاناتو د مقررې د طرحې لومړنى مسوده بشپره شوه

د اطلاعاتو او فرهنګ وزارت د ستر حقوقي سلاکار دلاور نظيرزوى په مشرۍ نن د دولتي ورځپاڼو او د افغان اعلاناتو د مقررې د طرحې د تصويب کمېسيون غونډه جوړه شوه .
د باختر اژانس خبريال د خبر له. . .

BACK TO NEWS