د اطلاعاتو او فرهنګ وزارت د ځوانانو چارو معینیت خبرتيا
د اطلاعاتو او فرهنګ وزارت د ځوانانو چارو معينيت پوهنتونونو او د خصوصي لوړو زده کړو موسسو ته د روان کال د مني سمستر لپاره د ځوانانو د معرفي کولو په موخه د پوهنتونونو او خصوصي لوړو زده کړو موسسو له یو شمېر مسوولینو سره د پام وړ تخفیف سره د همکارۍ تړونونه لاسلیک کړي دي.
دغه راز هغه ځوانان چې د زده کړو لېوالتیا لري کولای شي د نوم لیکنې په خاطر له دوه عکسونو او د تابعیت د تذکرې له کاپي سره په غازي محمد جان خان واټ کې د حاجي عبدالرحمن جومات ته مخامخ د اطلاعاتو او فرهنګ وزارت د ځوانانو چارو معینیت ته ورشي.
دغه راز مينه وال کولاى شي د زياتو معلوماتو لپاره دې د دغه بنسټ له (٠٧٩٢٧٦٠٠٠٥ ) يا (٠٧٤٧٠٠٨٩٠٠) شمېرو سره اړيکه ونيسي.
کابل، د زمري ٢٦ مه، باختر
