د اطلاعاتو او فرهنګ وزارت د خان عبدالغفار خان سمينار جوړوي

farzad
سه‌شنبه ۱۳۹۹/۸/۲۷ - ۱۰:۴۲
د اطلاعاتو او فرهنګ وزارت د خان عبدالغفار خان سمينار جوړوي

د اطلاعاتو او فرهنګ وزارت په پام کې لري په کابل کې د خان عبدالغفار خان د شخصيت او کړو وړو په اړوند یو سمينار جوړ کړي.
د باختر آژانس د خبر له مخې؛ د دغه سمينار مقدماتي غونډه نن د اطلاعاتو او فرهنګ وزارت د فرهنګ او هنر د معين پوهاند محمد رسول باوري په مشرۍ جوړه شوه. په دې غونډه کې د اطلاعاتو او فرهنګ وزارت د فرهنګ او هنر معين وويل: موږ هلې ځلې کوو چې د فخر افغان خان عبدالغفار خان د آزادۍ غوښتنې مبارزو او د هغه د عدم تشدد فلسفې په اړوند ډېر ژر سمينار جوړ کړو. په غونډه کې دغه راز ګډونوالو د سمينار د جوړولو په اړوند خبرې اترې وکړې او خپلې طرحې او پيشنهادونه يې مطرح کړل او د ياد سمينار په اړوند د مقالو پر عنوانونو خبرې وشوې.
خان عبدالغفار خان د سيمې په تاريخ کې له وتلو څېرو او مبارزینو څخه و چې د خپل عمر زیاته برخه يې آزادۍ او عدالت ته وقف کړې وه. هغه په خپلو ويناوو کې قومونو اتحاد ته را بلل او تل یې سپارښتنه کوله چې له نفاق څخه ځانونه وژغوري.
کابل / د لړم ٢٧ مه / باختر

 

تازه خبرونه

یکشنبه ۱۳۹۹/۹/۲ - ۱۴:۵۲
Background image

محمد طاهر زهير او د «دافا» موسسې رييس د کابل بالا حصار د لرغونپېژندنې د کيندنو او تحقيقاتو پروژې هوکړه ليک لاسليک کړ

د اطلاعاتو او فرهنګ وزارت سرپرست او نوماند وزير محمد طاهر زهير او د “دافا” موسسې رييس د کابل بالا حصار د لرغونپېژندنې د کيندنو او تحقيقاتو پروژې هوکړه ليک لاسليک کړ.
د باختر آژانس د. . .

یکشنبه ۱۳۹۹/۹/۲ - ۱۴:۴۱
Background image

محمد طاهر زهير د لاجورد فلم ملي جشن د پرانیستلو په مراسمو کې: سینما کولاى شي فرهنګ تبلیغ او جوړ کړي او بايد په دې برخه کې پانګونه وشي

د اطلاعاتو او فرهنګ وزارت د سرپرست او نوماند وزير محمد طاهر زهير په ګډون پرون د لاجورد فلم ملي جشن په کابل کې د روسيې د علم او فرهنګ خونې په تالار کې پرانیستل شو.
د باختر آژانس خبريال د. . .

یکشنبه ۱۳۹۹/۹/۲ - ۱۱:۳۱
Background image

د اطلاعاتو او فرهنګ وزارت د محمد الیاس داعي یادغونډه جوړوي

د اطلاعاتو او فرهنګ وزارت د خبریال محمد الیاس داعي یاد غونډه په نږدې ورځو کې په کابل کې جوړوي.
د باختر آژانس خبریال د خبر له مخې؛ په هغې غونډه کې چې نن د اطلاعاتو او فرهنګ وزارت د هنر. . .

BACK TO NEWS