د اطلاعاتو او فرهنګ وزارت او رسنيو ترمنځ د همغږۍ غونډه جوړه شوه

moic_admin
چهارشنبه ۱۳۹۸/۵/۱۶ - ۱۵:۶
نشست هماهنگی میان وزارت اطلاعات و فرهنگ و رسانه ها برگزار شد

د اطلاعاتو او فرهنګ وزارت د سرپرستې حسينې ساپۍ په مشرۍ نن د دغه وزارت او رسنيو ترمنځ د همغږۍ غونډه په کابل کې جوړه شوه.
د باختر آژانس خبريال د خبرله مخې، په دې غونډه کې چې د يوشمېر دولتي او خصوصي رسنيو د مسوولينو او د يوشمېر بنسټونو د خپرونو برخو د رييسانو په ګډون جوړه شوه؛ د اطلاعاتو او فرهنګ وزارت سرپرستې حسينې ساپۍ د دغه وزارت او رسنيو ترمنځ پر زياتې همغږۍ او همکارۍ ټينګار وکړ او ويې ويل چې رسنۍ بايد د راتلونکو انتخاباتو په اړوند د انتخاباتي کمپاينونو خبرونه په ناپيلي ډول خپاره کړي.
حسينې ساپۍ د اطلاع رسونې په برخه کې د رسنيو هڅې وستايلې او ټينګار يې وکړ چې رسنۍ بايد د هېواد د خپلواکۍ د سلمې کاليزې او د مور په شېدو د تغذيې اوونۍ په      اړوند د رپوټونو او خبرونو په ښه پوښښ کې هم زياتې هلې ځلې وکړي او په دې اړوند يې د دولتي رسنيو له لارې د اطلاعاتو او فرهنګ وزارت د همکارۍ ډاډ ورکړ.
د اطلاعاتو او فرهنګ وزارت د خپرونو چارو معين فاضل سانچارکي هم په خپلو خبروکې د دې غونډې د جوړولو هدف د اطلاعاتو او فرهنګ وزارت او رسنيو ترمنځ د دوستۍ او صميميت د فضا رامنځته کول او د متقابلې همکارۍ د روحيې پياوړتيا وبلله.
سانچارکي د روانو حالاتو په منعکسولو او اطلاع رسونه کې د رسنيو رول ارزښتناک وباله او ټينګار يې وکړ چې رسنۍ بايد د انتخاباتو د خبرونو په منعکسولو کې عدالت او بېطرفي رعايت کړي.
دغه راز په غونډه کې برخه والو د اطلاعاتو او فرهنګ  وزارت او رسنيو ترمنځ د همغږۍ او همکارۍ په اړوند خپلې نظريې او پيشنهادونه وړاندې کړل.

تازه خبرونه

دوشنبه ۱۳۹۸/۸/۶ - ۲۳:۴۴
Background image

سانچارکي : ژباړه په سترو بشري بدلونونوکې مهمه اغېزه لري .

دژباړې غورځنګ تل  دسترو علمي ، سياسي او فرهنګي بدلونونو په وړاندې  شتون لري .
دغه ټکى  سيد اقا حسين فاضل سانچارکي نن  په کابل کې دژباړې  دورځې  دنمانځنې په غونډه کې  بيان کړل .
دباختراژ. . .

چهارشنبه ۱۳۹۸/۶/۶ - ۱۴:۴۱
Background image

داطلاعاتو اوفرهنګ وزارت د ډاډګيرنې پيغام

د اطلاعاتو اوفرهنګ وزارت دپنجشير دمشهور شاعر، طنز ليکوونکى او ليکوال  استاد نصيراحمد نشاط  د مړينې له امله خواشيني څرګنده کړه.
استاد نصيراحمد نشاط دخپل عمرڅه د پاسه ٧٥ کلونه يې د شعر. . .

چهارشنبه ۱۳۹۸/۶/۶ - ۱۱:۳۰
Background image

حسينه ساپۍ : داسلامي دورې دفرهنګ په پرمختيا کې داسيا دزړه په توګه دافغانستان رول جوت دى .

داطلاعاتواوفرهنګ وزارت  دسارک علمي او څيړنيز بين المللي سيمينار  (  داسلامي دورې  دفرهنګي ميراثونو ) نن په کابل کې جوړ شو.
دباختراژانس دخبريال دخبرله مخې ،  په دې سيمينار کې  يوشمېر. . .

BACK TO NEWS