د‌ پروان ځایي موزیم په معیاري وسایلو سمبال شو

tawana_admin
پنجشنبه ۱۴۰۳/۴/۲۱ - ۱۱:۷
888

پنجشنبه ( ۵ د محرم الحرام ۱۴۴۶) د پروان ولایت د اطلاعاتو او کلتور ریاست اړوند ځایي موزیم چې شاؤخوا ۱۵۰ قلمه لرغوني آثار‌ لري په معیاري ویترینونو سمبال شو.
د اطلاعاتو او کلتور رئيس مولوي شمس الرحمن صدیقي وایي: د پروان ځایي موزیم په کال ۱۳۹۲ هجري لمریز کې جوړ شوی، چې د آثارو لرغونتیا یې د اسلامي دورې څخه رانیولې تر ۲۰۰۰ کاله پورې رسېږي، د‌ نوموړي په وینا؛ په پروان ولايت کې يې د تاريخي آثارو د خوندي ساتلو په موخه دا اقدام ترسره کړی دی، تر څو د شته تاريخي آثارو څخه په سمه توګه ساتنه وشي.
ښاغلی صدیقي وایي چې د اسلامي امارت په راتګ  سره لرغوني آثارو او سیمو ته ځانګړی پام شوی دی او هڅه کوو ترڅو د لیدونکو جذب او د موزیم د لا سمبالتیا په موخه نور ګامونه هم پورته کړو.
د موزیم مدیر عبدالصبور صافی وایي: له دې وړاندې د یاد ځایي موزیم ځیني آثار د معیاري ویترینونو د نشتون له امله د ویجاړېدو له خطر سره مخ وو، چې د ویترینونو سره به خوندي شي، د یاد موزیم آثار چې بېلابېلو تاريخي دورو پورې اړه لري، یادو ویترینونو کې به د ساتنې او نندارې په موخه ځای پر ځای شي.

۱۴۰۳/۴/۲۱ هـ ل
۲۰۲۴/۷/۱۱ میلادي

تازه خبرونه

پنجشنبه ۱۴۰۳/۱۲/۲۳ - ۱۴:۱
Background image

د کلتوري وضعیت د ښه والي او د تاریخي آبداتو د ساتنې په اړه د بنو ولسوالۍ له قومي مشرانو سره ناسته وشوه

د بغلان ولايت د اطلاعاتو او کلتور ریاست رئیس مولوي اسدالله مصطفی هاشمي بنو ولسوالۍ ته د خپل سفر په ترڅ کې له ځايي قومي مشرانو سره ناسته وکړه او له خلکو یې وغوښتل، چې سیاحتي سیمو ته د. . .

پنجشنبه ۱۴۰۳/۱۲/۲۳ - ۱۳:۵۶
Background image

د هلمند ښوونیز مرکز زده کوونکو ته د فکري جګړې په نوم یو ورځنی سمینار جوړ شو

د هلمند ولایت د اطلاعاتو او کلتور ریاست د ځوانانو چارو آمریت له لوري د هلمند ښوونیز مرکز زده کوونکو او ځوانانو ته د فکري جګړې په نوم یو ورځنی سمینار وړاندې شو.
د سمینار ګډونوالو ته د. . .

پنجشنبه ۱۴۰۳/۱۲/۲۳ - ۱۱:۳۸
Background image

جوزجان کې د اړينو طبي مهارتونو د زده کړې مرکز جوړ شو

د جوزجان ولایت د اطلاعاتو او کلتور ریاست مسؤلین وایي: دا مرکز د ځوانانو چارو آمریت له لوري د طبی ابتدايي مهارتونو د زده کړې لپاره جوړ شوی، په ځانګړې توګه د هغو ځوانانو لپاره چې په لرې. . .

BACK TO NEWS