حسينه ساپۍ: ځوانان بايد خپلو موخو ته د رسېدو په خاطر له خپلې ځواکمنۍ او وړتيا څخه ګټه واخلي

moic_admin
پنجشنبه ۱۳۹۸/۵/۱۷ - ۱۳:۳
حسينه ساپۍ: ځوانان بايد خپلو موخو ته د رسېدو په خاطر له خپلې ځواکمنۍ او وړتيا څخه ګټه واخلي

د ځوانانو نړيواله ورځ نن د اطلاعاتو او فرهنګ وزارت د ځوانانو  چارو معينيت له لوري  د(زده کړې د لېږدونې )په شعار سره په کابل کې ونمانځل شوه.
د باختراژاژنس د خبريال د خبرله مخې، په هغې غونډه کې چې په همدې مناسبت د يوشمېر جګپوړو دولتي مسوولينو، ګڼ شمېر ځوانانو او د بهرنيو ميلمنو  په شتون  جوړه شوې وه، د اطلاعاتو او فرهنګ وزارت سرپرستې حسينې ساپۍ د ځوانانو د نړيوالې ورځې له امله د هېواد  ټولو ځوانانو ته مبارکي وويله او د ټولنې په بېلابېلو چارو په تېره بيا د سولې د تامينولو او د هېواد د ترقۍ او پرمختګ په لاره کې يې د ځوانانو رول مهم وباله او ويې ويل: هره ورځ  د هغو ځوانانو ورځ ده  چې د موخې لرونکي دي.
  حسينې ساپۍ  زياته کړه،  چې ځوانان بايد  خپلو موخو ته  د رسېدو په خاطر له خپلې ځواکمنۍ او وړتيا څخه ګته واخلي،  په نورو متکي ونه اوسي او خپله رهبري  په خپله په لاس کې واخلي .
د اطلاعاتو او فرهنګ وزارت سرپرستې وويل، چې له شته ستونزو او ناخوالو سره سره، اوس هم د هېواد ځوانان  لوړه روحيه او مورال لري او په دې پروګرام او د هېواد د خپلواکى د سلمې کاليزې په وياړپه نورو بېلابېلو پروګرامونو کې د هغوى  کارنده شتون د هغوى  د لوړې روحيې  څرګندوى دي.
هغې ټينګار وکړ،  چې ځوانان  ښه سمون او همغږۍ ته  اړتيا لري.
وروسته د اطلاعاتو او فرهنګ وزارت د ځوانانو چارو معين  محمد اجمل شاهپور  خبرې وکړې او د ځوانانو د نړيوالې ورځې له امله يې د هېواد ټولو ځوانانو ته مبارکي وويله او زياته يې کړه، چې موږ  په داسې حال کې  د ځوانانو  نړيواله ورځ  نمانځو  چې تر اوسه پورې د هېواد ځوانان پرمختللې او سوکاله ټولنې ته  د رسېدو اوږده لاره  په  مخ کې لري .
هغه زياته کړه، چې د ځوانانو نړيواله ورځ کال په کال په مشخصو او څرګندو پيغامونوسره په نړۍ کې نمانځل کېږي او سږ کال  به دغه ورځ د( زده کړې  د لېږدونې) په پيغام سره په ټوله نړۍ کې ونمانځل شي.
د ځوانانو چارو معين زياته کړه،  سره له دې چې له يوې خوا  د ځوانانو لپاره  يولړ فرصتونه  برابر دي، خو له بلې خوا  د ټولنې دغه ستر قشر د افراطيت او د افراطيت د تفکر، زده کړې ته  د ټول شمول د نه لاسرسي، بې وزلۍ او وزګارتيا  او په نشه يي توکو د روږديتوب د ګواښ په شان د ګواښونو ښکار هم  دي.
اجمل شاهپور په دې ترڅ کې چې د ځوانانو يو لړ ستونزې يې په ګوټه کړې  په دغه بنسټ کې د خپلو درېيو مياشتنيو کړنو په اړوند معلومات ورکړل او دغه راز د هېواد  د ځوانانو د حالت د ښه والي  په خاطر يې د ځوانانو چارو معينيت وړانديزونه او طرحې  وړاندې کړې.
  وروسته  د پوهنې وزارت معين  ډاکټر محمدابراهيم شينواري په خبرو کې وويل،  چې د هېواد زيات شمېر وګړي  ځوانان دي او دې ته اړتيا احساس کېږي  چې ځوانان نوې زده کړې  ترلاسه کړي.
هغه  د اسلام د مبين دين  له پلوه  دعلم د رول په اړوند معلومات ورکړل او ويې ويل  چې د اسلام په مقدس دين کې  د علم او پوهې په زده کړه  ټينګار شوى دى، خو له بده مرغه د هېواد ګڼ شمېر ځوانان له زده کړې څخه بې برخې دي.
  هغه وويل چې بايد ځوانان د خپلې پوهې د کچې د لوړولو په برخه کې  هڅه او هاند وکړي .
  دغه راز  په دې غونډه کې ګل خرسند،  فرح مصطفوي او حميد الله  د ځوانانو په استازيتوب  خبرې وکړې  او د ځوانانو د لارې پرسر د پرتو ستونزو اوخنډونو په باره کې يې  معلومات ورکړل.
هغوى  بې وزلي  او وزګارتيا  د ځوانانو مهمې ستونزې وبللې او څرګنده يې کړه  چې په هره ټولنه کې ځوانان  ټاکوونکى  اوبنسټيز رول لري.
هغوى د ټولنې په بېلابېلو برخو کې ځوانانو ته د ونډې ورکولو ، زده کړې او د کار د فرصتونو د برابرولو په لاره کې د دولت او د مسوولو بنسټونو د پاملرنې او ملاتړ  غوښتنه وکړه .
په دې غونډه کې دغه راز د جمهوري رياست د چارو د ادارې لوى رييس  سيد وحيد قتالي د ځوانانو د نړيوالې ورځې له امله د هېواد ځوانانو ته مبارکي وويله او په ټولنه کې يې د ځوانانو رول  ارزښتناک وباله .
هغه ټينګاروکړ چې بايد په بېلابېلو برخو کې ځوانانو ته د کار فرصت ورکړى شي او د هغوى  له استعدادونو او ځواکمنۍ څخه د هېواد د پرمختګ  او ترقۍ په لاره کې  ګټه واخيستل شي .
  دغونډې په پاى کې د مودلينګ همدلي د ډلې په واسطه د جامو نمايش او د افغان  پارسا د څارندوى د ډلې  په واسطه  ترانه اجرا شوه .

تازه خبرونه

چهارشنبه ۱۳۹۸/۱۱/۹ - ۹:۱۰
Background image

د واټونو د نومولو د کمېسيون ناسته جوړه شوه

د اطلاعاتو او فرهنګ وزارت د سرپرستې حسينې ساپۍ په مشرۍ نن د واټونو د نومولو د کمېسيون ناسته جوړه شوه.
د باختر آژانس خبريال د خبرله مخې: په ناسته کې له زياتو خبرو وروسته د کمېسيون غړو. . .

سه‌شنبه ۱۳۹۸/۱۱/۸ - ۹:۳۵
Background image

صيام او کارو بار ډاکترانوخدماتي بنسټونو داطلاعاتواوفرهنګ وزارت سرپرسته وستايله.


دصيام او دکاراو بار ډاکټرانو (Bussiness Doctors  خدماتي شرکتونو رييسانو نن داطلاعاتواوفرهنګ وزارت له سرپرستې حسينې ساپۍ سره وکتل اوهغى ته يې ددغو بنسټونو دستاينې لوحې ور.
دباختراژانس . . .

دوشنبه ۱۳۹۸/۱۱/۷ - ۱۱:۵۵
Background image

حسينې ساپۍ د تاريخي آبدو پر ساتنې ټينګار وکړ


د اطلاعاتو او فرهنګ وزارت سرپرستې حسينې ساپۍ پرون د غزني د اطلاعاتو او فرهنګ رياست له سرپرست سره په کتنه کې د دغه ولايت کاري رپوټ او د فرهنګي برخې ستونزې  واورېدې .
د باختر آژانس. . .

BACK TO NEWS