بادغیس کې رسنیزو سرغړونو ته د رسيدګۍ په موخه غونډه جوړه شوه
د بادغيس ولايت د اطلاعاتو او کلتور رياست له لوري رسنيزو سرغړونو ته د رسیدګۍ په موخه ناسته ترسره شوه، چې پکې د اطلاعاتو او کلتور رئيس مولوي مطيع الله متقي، د ولايت وياند احمد جان حنظله، د امنيه قوماندانۍ وياند، د امرباالمعروف، نهی عن المنکر او شکايتونو اورېدو رئيس او د کميټې نورو غړو ګډون کړی وو.
د غونډې په پيل کې د اطلاعاتو او کلتور رئيس مولوي مطيع الله متقي د مهمو رسنيزو موضوعاتو په اړه خبرې وکړې او د رسنيو له مسؤلينو يې وغوښتل چې د اسلامي امارت له نشراتي پاليسۍ سره سمې خپلې چارې مخته يوسي.
ورپسې د رسنيو مسؤلينو او خبريالانو د اطلاعاتو او کلتور رياست له هر اړخيزو همکاريو څخه مننه وکړه او ويې ويل: چې د اسلامي امارت له پاليسۍ سره به سمې خپلې چارې مخته وړي.
۱۴۴۶/۴/۱۰ هـ ق
۱۴۰۳/۷/۲۲ هـ ل
