امام ‌صاحب ولسوالۍ کې د لومړي ځل لپاره د کتابونو نندارتون جوړ شو

wasim_admin
شنبه ۱۴۰۴/۷/۲۶ - ۱۱:۳۳
...

د کندز ولایت د اطلاعاتو او کلتور ریاست د فرهنګ او هنر آمریت له خوا امام‌ صاحب ولسوالۍ کې د لومړي ځل لپاره د کتابونو نندارتون جوړ شو، چې پکې د اطلاعاتو او کلتور ریاست مسؤلینو، علماء کرامو، استادانو او زده‌ کوونکو ګډون کړی و.
د کندز د فرهنګ او هنر آمر د کتاب ارزښت او اهمیت په اړه هر اړخیزې خبرې وکړې او له ولسونو څخه یې وغوښتل چې د خپلو معلوماتو د زیاتوالي لپاره مطالعه وکړي او خپل اولادونه د علم او زده ‌کړې لور ته وهڅوي.
د فرهنګ او هنر آمر په وینا؛ د اطلاعاتو او کلتور ریاست تر چتر لاندې درې کتابتونونه فعال دي، چې له ۱۵ زرو څخه زیات بېلابېل عنوانونو درلودنکي کتابونه لري او هره ورځ د مطالعې مینه‌والو په مخ پرانستي وي او د دغه نندارتون له جوړولو څخه موخه د مطالعې فرهنګ پیاوړي کول او د ځوانانو مطالعې ته هڅول دي.
په ورته وخت کې د امام ‌صاحب ولسوالۍ علما‌ء کرامو، مشرانو او ځوانانو د دې اقدام هرکلی وکړ او د ورته نندارتونونو جوړولو د دوام غوښتنه یې وکړه.
د یادونې وړ ده، چې یاد نندارتون امام صاحب ولسوالۍ کې لومړنی ترسره شوی نندارتون دی چې د یوې ورځې په موخه جوړ شوی و.
۱۴۴۶/۴/۲۵ هـ ق

تازه خبرونه

یکشنبه ۱۴۰۵/۹/۱ - ۱۵:۱۶
Background image

د نیمروز او سمنګان ولایتونو د اطلاعاتو او فرهنګ ریاستونو ته جهادي آثار وسپارل شول

د نیمروز ولایت د اطلاعاتو او فرهنګ ریاست اړوند جهادي موزیم ته د یاد ولایت د جهادي قومندان مولوي محمد اسماعیل (خالد عمر) له لوري یوه تاریخي وسله، چې د MG 34 (Maschinengewehr 34) په نوم. . .

یکشنبه ۱۴۰۵/۹/۱ - ۱۴:۲۳
Background image

د ځوانانو چارو رئیس د WCC مؤسسې له مسوول سره لیدنه وکړه

د اطلاعاتو او فرهنګ وزارت د جهادي آثارو د ساتنې عمومي ریاست اړوند د ځوانانو چارو رئیس مولوي سید محمد داوود آغا هاشمي، د WCC مؤسسې له مسؤل بصیر میاخیل سره په خپل کاري دفتر کې لیدنه وکړه.. . .

یکشنبه ۱۴۰۵/۹/۱ - ۱۳:۹
Background image

لغمان کې د سیاحتي شرکتونو له استازو سره د همغږۍ ناسته وشوه

د لغمان ولایت د اطلاعاتو او فرهنګ ریاست مسؤلینو د دغه ولایت د سیاحتي شرکتونو له استازو سره د همغږۍ ناسته وکړه.
د اطلاعاتو او فرهنګ رئیس مولوي عبدالنور رسولي وویل: د سیاحت او ګرځندوی. . .

BACK TO NEWS