اطلاعاتو او کلتور رياست کې د بشر حقونو او رسنيو د څار ادارې لخوا د اسلامي تعليماتو ورکشاپونه پای ته ورسېدل

تېره ورځ خوست ولایت کې د بشري حقونو او رسنیو د څار ادارې له خوا د اطلاعاتو او کلتور ریاست په چوکاټ کې ۱۳۱ ځوانانو، دیني علماوو او قومي مشرانو ته د اسلامي تعلیماتو تر سرلیک لاندې ورکشاپ چې ۱۵ میاشتې مخکې پیل شوی و، د یو لړ ځانګړو مراسمو په ترڅ کې پای ته ورسېد.
په یاد ورکشاپ کې د شخړو هوارول، دیني او بشري حقونه او د بېلابېلو رسنیو له لارې د عامه پوهاوي پروګرامونو نشرول شامل وو. د ياد ورکشاپ ګډونوال خوښ دي چې په بېلابېلو ديني او ټولنيزو برخو کې دوی ته معلومات ورکول شوي، دوی زیاتوي هڅه به وکړي چې دغه معلومات د ټولنې نورو وګړو ته هم ورسوي، ترڅو په ورځني ژوند کې ترې کټه واخلي.

۱۴۴۵/۴/۱۶ هـ ق
۱۴۰۲/۸/۹ هـ ش