د کتابونو ارزونې کمېسيون نوبتي ناسته وشوه
دوشنبه (۲۳ د شوالالمکرم ۱۴۴۶) د اطلاعاتو او کلتور وزارت په خپرونو چارو معينيت کې د باختر خبري آژانس د رئيس مولوي ضیاءالحق حقمل په مشرۍ د کتابونو ارزونې کمېسيون نوبتي ناسته وشوه.
ياده ناسته کې د باختر خبري آژانس رئيس ښآغلي حقمل او د کمېسيون نورو غړو ګډون کړی وو.
پيل کې د کميسيون منشي د تېرې ناستې راپور وړاندې کړ، ورپسې ښاغلي حقمل د کميسيون فعاليتونه مهم او له لاسته راوړنو ډک وبلل.
د ناستې په ترڅ کې د بېلابېلو کتابونو په اړه مهمې پرېکړې وشوې او هغه شمېر کتابونه چې له اسلامي او افغاني ارزښتونو سره سم وو، د چاپ اجازه ورکړل شوه.
همدا راز د کمېسيون په غړو هغه شمېر کتابونه د مطالعې په موخه ووېشل شول، چې دې کمېسيون ته د ارزونې په موخه راجع شوي وو.
