ننګرهار کې (د حکومت او خلکو ترمنځ د اړیکو په ټینګښت کې د رسنیو ونډه) تر نامه لاندې لویه غونډه ترسره شوه

wares_admin
دوشنبه ۱۴۰۲/۱۱/۲۳ - ۱۰:۵۰
….

تېره ورځ په ننګرهار ولايت کې د اطلاعاتو او کلتور ریاست په کوربه توب او د افغانستان د خلکو غږ میکانیزم په مالي همکارۍ (د حکومت او خلکو ترمنځ د اړیکو په ټینګښت کې د رسنیو ونډه) تر نامه لاندې لویه غونډه ترسره شوه، چې پکې د اطلاعاتو او کلتور رئیس قاري احسان الله ساجد سربېره د یو شمېر ولایتي ادارو رییسانو، د رسنیو مسوولینو او خبریالانو، د ځوانانو ټولنې غړو ، قومي مشرانو، ګذر وکیلانو، د پوهنتون استادانو، علمای کرامو او فرهنګیانو برخه اخیستې وه.

 د غونډې په پیل کې د اطلاعاتو او کلتور ریاست د اطلاعاتو آمر مولوي صدیق الله قریشي د حکومت او خلکو ترمنځ د اړيکو ټينګولو کې د رسنیو اهمیت او ارزښت بيان کړ او زياته يې کړه؛ د اطلاعاتو او کلتور ریاست د رسنیو حقوقو او ملاتړ ته ژمن دی او د رسنیو په ارزښت قایل دی، تل هڅه کوي رسنیو ته په ټولو برخو کې اسانتیاوې رامنځته کړي، چې الحمدلله د پخوا په پرتله رسنۍ اطلاعاتو ته پوره لاسرسی لري او هېڅوک نه شي کولای رسنۍ تهدید او یا یې شخصي ګټو لپاره وکاروي.

د افغانستان د خلکو غږ میکانیزم په استازولۍ مولوي محمد عارف ملکیار د یادې ادارې د فعالیتونو بيانولو تر څنګ وويل: دا چې په اوس وخت کې په ټولنه کې رسنۍ څومره اهمیت او ارزښت لري، نو زموږه ادارې وپتېیله، چې نن پر یاده موضوع دغه ناسته برابره کړي، څو حکومت او خلک په ګډه د هېواد په بیارغونه کې ونډه واخلي.
ورپسې نورو مشرانو او مسؤلينو په خپلو خبرو کې د هېواد په بیارغونه کې او د خلکو او حکومت ترمنځ د رسنیو پر رول خبرې وکړې او رسنۍ يې په اوس وخت کې یوه قوي قوه یاده کړه، چې له کبله یې په ټوله نړۍ کې ځانګړی ځای او ښه مقام لري.
د یادونې وړ ده، چې د غونډې په جريان کې د اطلاعاتو او کلتور ریاست د تیاتر ټیم له لوري د موضوع په اړه یوه ډرامه هم نندارې ته وړاندې شوه.

۱۴۴۵/۸/۱ هـ ق
۱۴۰۲/۱۱/۲۲ هـ ل

تازه خبرونه

چهارشنبه ۱۴۰۲/۱۲/۲ - ۱۳:۳۹
Background image

ننګرهار کې ۷ قلمه نيول شوي آثار د موزيم آمريت ته وسپارل شول

چهارشنبه ( ۱۰ د شعبان ۱۴۴۵) د ننګرهار ولايت په طورخم فرضي کرښه څو ورځې وړاندې نيول شوي ۷ قلمه آثار چې د اطلاعاتو او کلتور رياست ته سپارل شوي و، نن رسماً د موزيم آمريت ته د ساتنې په موخه. . .

چهارشنبه ۱۴۰۲/۱۲/۲ - ۱۱:۵۷
Background image

د کاپيسا د اطلاعاتو او کلتور رئيس د طنین اطلاعات راډيو څخه څارنه وکړه

تېره ورځ د کاپيسا ولايت د اطلاعاتو او کلتور رئيس مولوي کريم الله وثیق، چې د ملي راډيو تلويزيون آمر احمد شاه خادم يې هم ملتیا کوله، حصې اول کوهستانات ولسوالۍ ته د خپل سفر په ترڅ کې د. . .

سه‌شنبه ۱۴۰۲/۱۲/۱ - ۱۱:۲۳
Background image

د ابوریحان البیروني علمي او څېړنیز سیمینار د جوړېدو ناسته ترسره شوه

د اطلاعاتو او کلتور وزارت د خلکو کلتور ریاست له لوري د ابوریحان البیروني د شخصیت پېژندنې او اسلامي نړۍ ته د ترسره کړو خدمتونو په اړه د علمي او څېړنيز سیمینار د ترسراوي لپاره ګډې کمیټې د. . .

BACK TO NEWS