غور کې له لسګونو ځوانانو د کمپيوټر ازموينه واخيستل شوه
چهارشنبه (۱۸ د محرم الحرام ۱۴۴۶) د غور ولايت د اطلاعاتو او کلتور رياست د ځوانانو چارو آمريت د ښوونيز مرکز له لسګونو تنو زده کوونکو د کمپيوټر زده کړو ازموينه واخيسته.
د امتحان ااخستنې پرمهال د غور ولايت د اطلاعاتو او کلتور رئيس مولوي عبدالحی زعيم او د ځوانانو چارو آمر مولوي عبدالصبور فکور هم شتون درلود.
د اطلاعاتو او کلتور رئيس په ټولنه کې د ځوانانو په اهميت خبرې وکړې او له دوی يې وغوښتل چې هره برخه چې د زده کړو لپاره انتخابوي، پکښې له پوره هڅې او زيار څخه کار واخلي.
د يادونې وړ ده، چې د ځوانانو چارو آمريت له لوري يوه مياشت مخکې د ځوانانو لپاره د کمپيوټر زده کړو يو مياشتنی صنف شروع شوی و، چې نن ترې تر فراغت وروسته ازموينه واخيستل شوه.
۱۴۰۳/۵/۳ هـ ل
۲۰۲۴/۷/۲۴ میلادي
