لغمان کې د دوحې تړون په نوم سیالۍ پایلې اعلان شوې
د لغمان ولایت د اطلاعاتو او کلتور ریاست له لوري د الصارم فکري او فرهنګي ادارې او د دولت شاه ولسوالۍ پوهنې مدیریت په همکارۍ د دغه ولایت فرشغان ولسوالۍ اړوند ۳۰۰ تنو زده کوونکو ترمنځ د دوحې تړون په نوم سیالۍ ترسره شوې وه، چې پایلې یې اعلان او مخکښ ګډونوال یې وستایل شول.
د لغمان د اطلاعاتو او کلتور ریاست مسؤلین وايي: له یادې سیالۍ څخه يې موخه د فرشغان ولسوالۍ د ښوونځیو زده کوونکي مطالعې ته هڅول او دوی ته د دوحې تړون په اړه هر اړخیزه پوهه ورکول وو.
مسؤلینو زیاته کړه؛ د یادې سیالۍ لومړي مقام ګټونکي ته یو پایه لپ ټاپ کمپیوټر، دوهم مقام ګټونکي ته یو لاسي ساعت، دریم مقام ګټونکي ته نغدي جایزه او پاتې نورو مخکښو ګډونوالو ته بېلابیلې ډالۍ ورکړل شوې.
۱۴۴۷/۳/۲۲ هـ ق
