لوګر کې د رسنيو له مسؤلينو او خبریالانو سره د همږغۍ غونډه وشوه
د لوګر ولايت د اطلاعاتو او کلتور ریاست له لوري د رسنيو له مسؤلينو او خبریالانو سره د همږغۍ او خوندیتوب ګډه غونډه جوړه شوه.
دغه ناسته چې مشري یې د لوګر د اطلاعاتو او کلتور رئیس دوکتور رفیع الله صمیم کوله، پکښې د ولایت مقام ویاند، د دولتي او خصوصي رسنیو مسؤلینو ګډون کړی وو.
د اطلاعاتو او کلتور رئیس دوکتور رفیع الله صمیم وویل: په عموم کې د رسنیو وضعیت ښه شوی او د ټولنې لپاره مهمې او ګټورې برنامې لري، ولایتي اداره د رسنیو، پوره ملاتړې ده او هر راز همکاریو ته چمتوالی لري.
د رسنیو مسؤلینو په نوبت سره د رسنیو د ملاتړ برخه کې د ورته منظمو ناستو د جوړولو پایلې مثبتې وبللې او ترڅنګ یې د برېښنا د لوړ بل، د خبریالانو لپاره د ظرفیت لوړونې او یو شمېر نورو برخو کې خپلې غوښتنې او وړاندیزونه شریک کړل.
دغه راز د ولایتي ادارو ویاندویانو هم په خپلو خبرو کې د خبریالانو د ملاتړ او له دوی سره د پر وخت او کره معلوماتو د شریکولو برخه کې د هر ډول همکاريو ژمنې وکړې.
۱۴۴۶/۷/۲۸ ق
۱۴۰۳/۱۱/۱۰ ل
