د اطلاعاتو او کلتور رئیس له دوو خصوصي راډیوګانو څخه لیدنه وکړه
د لوګر ولايت د اطلاعاتو او کلتور رئیس رفیع الله صمیم او د اطلاعاتو آمر حمیدالله صدیقي د ملي پیوند او عینک خصوصي راډیوګانو څخه لیدنه وکړه.
د اطلاعاتو او کلتور رئیس رفیع الله صمیم وویل: راډیوګانې باید داسې برنامې او پروګرامونه ټولنې ته وړاندې کړي، چې خلکو ته مثبته انګیزه ورکړي او ترڅنګ يې د ځوانانو لپاره زده کړیز اړخونه ولري.
دغه ډول ښاغلي صمیم د یادو راډیوګانو د مسؤلينو وړاندیزونه، غوښتنې او ستونزې هم واورېدې او د همکارۍ ژمنه يې ورسره وکړه.
د ملي پيوند راډیو مسؤل مطیع الله سرور د رسنیو د ملاتړ برخه کې د اطلاعاتو او کلتور ریاست له همکاریو څخه مننه وکړه او ډاډ یې ورکړ، چې د ټولنې له غوښتنو سره سم به خپلې برنامې چمتو کړي.
۱۴۴۶/۴/۱۴ ھـ ق
۱۴۰۳/۷/۲۶ ھ ل