بادغیس کې د اسلامي حکومتولۍ د ارزښت په اړه غونډه ترسره شوه
د بادغیس ولایت د اطلاعاتو او کلتور ریاست لخوا د اسلامي حکومتولۍ ارزښت تر عنوان لاندې سيمینار ترسره شو.
یاد سمینار کې د ولایت مقام مرستیال، د علماوو شورا رئيس، مسؤلينو، دیني علماوو، مشرانو، د پوهنتون استادانو او ځوانانو ګډون کړی وو.
په پيل کې د اطلاعاتو او کلتور رياست رئيس مولوي مطيع الله متقی د اسلامي حکومتولۍ د ارزښت، امن او امنیت په هکله وينا وکړه او ويې ويل: نن ورځ په ټول هیواد کې اسلامي حکومت حاکم او سرتاسري امنیت تامین دى.
د علماوو د شورا رئیس هم د اسلامي حکومتولۍ د ارزښت په اړه خبرې وکړې، نوموړي وويل: اسلام د خلکو د هوساینې او اصلاح لپاره بهترین دین او تګلارې ډالۍ کړي دي.
ياد سمینارکې د ښې او اسلامي حکومتولۍ ارزښت په ډاګه او د هیواد آبادي، د ملت او ټولنې هوساینه د اسلامي حکومت په سيوري کې اړینه وبلل شوه.
۱۴۴۶/۴/۷ هـ ق
۱۴۰۳/۷/۱۹ هـ ل
