کونړ کې د ځوانانو له ښوونیز مرکز څخه ۵۵ تنه فارغ شول
د کونړ ولايت د اطلاعاتو او کلتور رياست د ځوانانو چارو آمریت اړوند وړيا ښوونيز مرکز څخه ۵۵ تنه ځوانان د کمپيوټر له زده کړو فارغ شول.
غونډه کې د کونړ د اطلاعاتو او کلتور رئيس مولوي نجیب الله حنیف وویل: که غواړو چې هېواد مو د نړۍ سره سیال کړو، نو ځوانان مو باید د اوس وخت په عصري علومو ځان سنبال کړي، غربیانو او لاسپوڅو يې په هيواد کې فکري جګړه روانه کړې ده، چې ځوانان مو له اسلام نه لرې او بې لارې کړي،خو د اسلامي امارت هڅه دا ده، چې خپل ځوانان د علم په ګاڼه سمبال کړي، ترڅو د دښمنانو د دسیسو مخه ونیول شي.
دځوانانو آمر مولوي شاه محمد ذالفقار وویل: له ښوونيز مرکز څخه ۵۵ ځوانان د کمپیوتر له شپږ میاشتنیو زده کړو فارغ شول، له دې وړاندې هم لسګونه تنه ځوانان د انګلیسي او کمپوتر له زده کړو فارغ او ټولنې ته د خدمت په موخه وړاندې شوي او دا مهال هم په یاد مرکز کې له سلو په زیات شمیر کې زده کونکې په زده کړو بوخت دي.
دغونډې په وروستیو برخه کې د مرستیال والي، د اطلاعاتو او کلتور د رئيس او دځوانانو چارو د آمر په لاسو فارغو زده کونکو ته تصدیق نامې ورکړل شوې.
۱۴۴۶/۴/۴ هـ ق
۱۴۰۳/۷/۱۶ هـ ل
