ا.ا. هيواد کې د پروژو د تطبیق لپاره هر اړخيزې هڅې کوي
د اطلاعاتو او کلتور وزارت وزير الحاج ملا خيرالله خیرخواه صاحب هرات ولايت ته د سفر په ترڅ کې د متحده عربي اماراتو له لوري مرسته شوي ډياليز ماشينونه د هرات حوزوي روغتون ته وسپارل.
هغه ددې ماشينونو د سپارلو پرمهال خپلو خبرو کې د بغلان سیلاب ځپلو او د هرات او غور ولايتونو د زلزله ځپلو لپاره د متحده عربي اماراتو له لوري د کورونو جوړولو له امله خوښي څرګنده کړه او له ياد هيواد څخه يې مننه وکړه.
ښاغلي خيرخواه صاحب زیاته کړه:
ا.ا په هيواد کې د متحده عربي اماراتو له لوري او نورو پروژو د تطبیق لپاره هر اخيزې هڅې کوي.
د هرات ولايت والي شیخ الحديث مولانا نور احمد اسلام جار د متحده عربي اماراتو له مرستو څخه د مننې تر څنګ وويل: د ډياليز ماشينونو په نصبولو سره به په حوزوي روغتون کې د ناروغانو لپاره ډيرې اسانتياوې رامنځته شي.
د هرات د صحت عامې رياست مرستيال ډاکټر غلام محمد حنفي وویل: د ډياليز ماشينونو د کمبود له امله له ډيرو ستونزو سره مخ وو، چې د دې ماشينونو په نصبولو سره به ستونزې ختمې شي، پخوا به هره ورځ له ډياليز ماشينونو ۵۰۰ تنو ناروغانو ګټه اخستې چې اوس به يې شمېر ۸۰۰ تنو ته ورسيږي.
۱۴۴۶/۳/۲۳ هـ ق
۱۴۰۳/۷/۵ هـ ل
