د سمنګانو له محلي رسنيو څارنه وشوه
د سمنګان ولايت د اطلاعاتو او کلتور رياست رئيس مولوي فیروزالدين منیب له محلي رسنيو څخه د کره اطلاع رسونې، د ستونزو حل کولو، د خبريالانو او رسنيو د امنيت په موخه څارنه وکړه.
مولوي فیروزالدين منيب وويل: رسنۍ په ټولنه کې ډير مهم رول لري، باید په ټولنه کې له ځانګړي ارزښت څخه برخمنه وي، د رسنيو دنده کره او پر وخت اطلاع رسونه ده، تر څنګ يې د خلکو د پوهې د کچې لوړولو دنده هم ورپه غاړه ده.
د رسنيو مسؤلينو د رسنيو له څارنې او ملاتړ کولو څخه خوښي څرګنده کړه او ويې ويل: له رسنيو څخه ملاتړ د اطلاع رسونې او عمومي کلتورونو په لوړولو کې ددوی د هڅو د احترام او ژور درک په معنی ده.
همدا راز خبريالانو او د رسنيو مسؤلينو د اطلاعاتو او کلتور رياست له کړنو څخه خوښي څرګنده کړه.
۱۴۴۶/۲/۲۴ هـ ق
۱۴۰۳/۶/۷ هـ ل
