لوګر کې له ښوونیز مرکز څخه ۵۰۰ تنه زده کوونکي فارغ شول
سه شنبه ( ۱۷ د شعبان ۱۴۴۵) د لوګر د اطلاعاتو او کلتور ریاست اړوند ښوونیز مرکز د کمپیوټر، انګلیسي او خطاطۍ له درې میاشتني ژمني پروګرام څخه څه باندې ۵۰۰ تنه زده کوونکي فارغ او نن یې د یوې غونډې په ترڅ کې د فراغت سندونه ترلاسه کړل.
د اطلاعاتو او کلتور رئیس رفیع الله صمیم فارغ شويو زده کوونکو ته د مبارکۍ ترڅنګ وویل: نن ډېر د خوشحالۍ او ویاړ احساس کوو، چې د وخت د غوښتنې او ضرورت سره سم له ۵۰۰ څخه زیات زده کوونکي له ښوونیز مرکز څخه فارغ او د پرمختګ په لور یو ګام نورهم نږدې شول.
ښآغلي صميم د ښوونیز مرکز له استادانو څخه مننه وکړه او ترڅنګ یې له شته امکاناتو څخه په ګټې اخیستنې د کمپیوټر، انګلیسي ژبې او خطاطۍ برخو کې د دې هېواد راتلونکي نسل په روزنه کې د دغه مرکز د مسوولینو هڅې وستایلې.
د اطلاعاتو او کلتور ریاست د ښوونیز مرکز مدیر حسیب الله حبیب وویل: دغه زده کوونکي د ژمني درې میاشتني پروګرام تر بشپړېدو وروسته د انګلیسي ژبې، کمپیوټراو خطاطۍ برخو څخه فارغ شوي دي.
د یادونې وړ ده، چې تر دې دمه له یاد ښوونیز مرکز څخه زرګونه تنه زده کوونکي فارغ شوي دي.
