فراه ولایت کې د(هوسا ملت او مسؤل نظام) تر عنوان لاندي لویه ولسي غونډه ترسره سوه
نن پنج شنبه ۱۴۴۵/۶/۲۸ هـ ق د اطلاعاتو او کلتور وزارت له لوري په فراه ولایت کې د هوسا ملت او مسؤل نظام تر عنوان لاندي لویه ولسي غونډه ترسره سوه.
غونډه کې د اطلاعاتو او کلتور وزارت وزیر محترم ملا خيرالله خیرخواه، د اطلاعاتو او کلتور وزارت نشراتي معین او د هرات مرستيال والي مولوي حیات الله (مهاجر فراهي)، د فراه والي مولوي غوث الدین رهبر، ګڼ شمېر نورو مسؤلینو، علماء کرامو، قومي مخورو او ځوانانو ګډون کړی وو.
د اطلاعاتو او کلتور وزیر محترم ملا خیرخواه صاحب د غونډې ګډونوالو ته په وينا کې وويل: فراه ولایت په تېر شل کلن جهادي دوره کې یو له مهمو ولایتونو یاد کړ، نوموړي مسؤلینو ته په خطاب کې وویل ولس خدمت غواړي په هیڅ نوعه ځان مه ترې درېغ کوئ خپل امکانات ټول ورسره شریک کړئ.
ښاغلي خیرخواه زیاته کړه نظام چې څه په لاس کې ولري او څه چې یې په توان کې وي د هېواد د هري سیمي ولسونو د اسانتیاوو په برخه کې خپلي هڅې نه سپموي.
۱۴۴۵/۶/۲۸ هـ ق
۱۴۰۲/۱۰/۲۱ هـ ش
