په باميانوکې د ګرځندوى صنعت وده کوي

ehsan
Sat, Feb 08 2020 9:10 AM
په باميانوکې د ګرځندوى صنعت وده کوي


د اطلاعاتو او فرهنګ وزارت مالي، اداري او ګرځندوى معينې پوهنيارې سېدې مژګان مصطفوي پرون د باميانو له والي محمد طاهر زهير سره وکت
د باختر آژانس د خبر له مخې؛ په دې کتنه کې د باميانو والي په دغه ولايت کې د ګرځندوى د جاذبو په معرفي کولو او د ژمنيو جشنونو په ترسره کولوکې د اطلاعاتو او فرهنګ وزارت د هڅو مننه وکړه او په دغه ولايت کې يې د فرهنګي پروګرامونو پر ترسره کولو چې د توريستي جاذبو د زياتې پېژندنې او د توريزم صنعت د ودې سبب کېږي؛ ټينګار وکړ.
د باميانو والي د باميانو خلکو اقتصادي وضعيت ته په اشارې سره، د توريزم صنعت وده، پلان جوړول او په دې برخه کې پانګونه د باميانو خلکو د اقتصادې حالت د ښه کېدو مهم عوامل وبلل او په دې برخه کې يې د اطلاعاتو او فرهنګ وزارت د زياتې پاملرنې غوښتنه وکړه.
مصطفوي په دې کتنه کې د هغو طرحو او پروګرامونو په اړوند چې د افغانستان په ځانګړې توګه د باميانو د ګرځندوى د ودې سبب کېږي؛ خبرې وکړې او د باميانو د ګرځندوى طبيعي جاذبې يې د يو فرصت په توګه ياد کړ او باميانو ته يې د خپل سفر موخه د باميانو د ګرځندوى د ژمني دويم جشن پرانيستل وبلل.
مالي، اداري او ګرځندوى معينې په افغانستان کې د ګرځندوى صنعت د پراختيا پر وړاندې د ځينو موجودو ستونزو او ننګونو په بيان سره، د تاريخي او فرهنګي شتو او د ګرځندوى صنعت د ودې لپاره په افغانستان په تېره بيا باميانوکې د اطلاعاتو او فرهنګ وزارت، باميانو او د نورو اړوندو ادارو ترمنځ پر زياتو همغږۍ ټينګار وکړ.
کابل/ د سلواغې١٨مه/ باختر 

Latest news

Tue, Feb 25 2020 9:13 AM
Background image

Access to Information Law Eases Accountability, Transparency: Sharq

The Access to Information Commission organized an awareness program at the Ministry of Information and Culture yesterday, BNA reported.
Inaugurating the program, the deputy minister of. . .

Tue, Feb 25 2020 9:11 AM
Background image

Construction Work of Memorial Monument for Media Martyrs Will be completed as Soon: Sharq

The Deputy Minister of Publications Affairs for the Ministry of Information and Culture, Abdul Manan Sheway Sharq inspected the reconstruction process of the memorial monument for media. . .

Mon, Feb 24 2020 9:02 AM
Background image

Construction Work of Memorial Monument for Media Martyrs Will be completed as Soon: Sharq

The Deputy Minister of Publications Affairs for the Ministry of Information and Culture, Abdul Manan Sheway Sharq inspected the reconstruction process of the memorial monument for media. . .

BACK TO NEWS