کندهار د اطلاعاتو او کلتور رئیس له متحد مطبعې څخه لیدنه وکړه
د کندهار ولایت د اطلاعاتو او کلتور ریاست رئیس مولوي انعام الله سمنګاني، د هنر او کلتور آمر عبدالشکور څپاند او د طلوع افغان جریدې مدیر بریالي فيضي په کندهار کې د مطبوعاتو د چارو د لیدو په جریان کې متحد مطبعې ته ولاړل، هلته یې د مطبعې تر څنګ د چاپخانې او نورو بېلابېلو ماشینونو او چاپ شویو آثارو څخه لیدنه وکړه.
ښاغلي سمنګاني د یادې مطبعې له مسؤل محمد افضل صدیقي سره د چاپ پر کیفیت او نورو اړوندو چارو هر اړخیزې خبرې وکړې.
ښاغلي سمنګاني له لیدنې ورورسته د یادې مطبعې کارونه وستایل او د مطبعې مسؤلین یې وهڅول، تر څو خپلو فعالیتونو ته پراختیا ورکړي او له خپله اړخه یې د پوره همکارۍ ډاډ ورکړ.
۱۴۴۴/۱۲/۲۹ هـ ق
۱۴۰۲/۱۲/۲۶ هـ ش
