د نیمروز اطلاعاتو او کلتور رئيس د سياحتي شرکتونو له مسٶولينو سره وکتل
د اطلاعاتو او کلتور رياست د خبر له مخې تیره ورځ د اطلاعاتو او کلتور رئيس مفتي حبيب الله الهام د سياحتي شرکتونو له مسئولينو او استازو سره په خپل کاري دفتر کې وکتل.
د سياحتي شرکتونو مسئولينو د اطلاعاتو او کلتور رياست له همکارۍ څخه د مننې تر څنګ خپلې ستونزې له مفتي حبيب الله الهام سره شريکې کړې او د ستونزو د حل کولو غوښتنه يې وکړه.
د اطلاعاتو او کلتور رئيس مفتي حبيب الله الهام د سياحتي شرکتونو مسئولينو ته د قانون په چوکاټ کې د ستونزو د حل ډاډ ورکړ او له دوی يې غوښتنه وکړه، هغه شرکتونه چې تر اوسه د فعاليت جوازونه نه لري، بايد له قانون سره سم جوازونه ترلاسه کړي او خپلې کړنې د قانون په رڼا کې ترسره کړي.
۱۴۴۴/۹/۱۷ هـ ق
۱۴۰۲/۱/۱۹ هـ ش
