هارون حکیمي په قندهار کې له جنګي لرغونۍ کلا څخه لیدنه وکړه
د اطلاعاتو او فرهنګ وزارت د هنر او فرهنګ معين هارون حکيمي، قندهار ته په خپل سفر کې په سپين بولدک ولسوالۍ کې له جنګي لرغونۍ کلا څخه ليدنه وکړه.
د باختر آژانس د خبر له مخې؛ په دغه سفر کې د اطلاعاتو او فرهنګ وزارت د تاریخي آبداتو، لرغونپېژندنې او د پلان او پالیسۍ ریيسان، د دغه وزارت فرهنګي سلاکار او د قندهار د اطلاعاتو او فرهنګ رییس حکمت الله افغان د حکیمي ملتيا کوي.
د هنر او فرهنګ معین هارون حکیمي د قندهار د اطلاعاتو او فرهنګ ریاست کړه وړه او فعالیتونه وستایل او وویل چي په دغو وروستيو کي په قندهار کي د زیات شمېر تاريخي آبداتو د ثبت او راجسټر کارونه ترسره شوي دي.
د یادونې وړ ده چې په قندهار کې يوشمېر تاریخي آبدې چې ځينې برخې یې ویجاړې شوې دې، تر ترمیم او بیارغاونې لاندې دي.
کابل/ د غبرګولي ٢۶ مه/ باختر
