د کتاب ارزونې کمېسیون نوبتي غونډه وشوه
دوشنبه (۲۲ ربیعالثاني ۱۴۴۸) د اطلاعاتو او فرهنګ وزارت د کتاب ارزونې کمېسیون نوبتي غونډه د خپرونو چارو معین ښاغلي مهاحر فراهي او د کمېسیون د غړو په شتون کې ترسره شوه.
په دې غونډه کې د یو شمېر کتابونو په اړه لازمې پرېکړې وشوې، هغه کتابونه چې له اسلامي او افغاني ارزښتونو سره یې سمون درلود، د چاپ اجازه یې ترلاسه کړه او د ١١٤ بېلابېل عنوانونو درلودنکي ٢٧٤ ټوکه صادره کتابونو په اړه لازمې پرېکړې وشوې.
همدارنګه د کمېسیون یو تن غړی چې د لوړو زدهکړو وزارت استازی دی، د خپلو دوامداره فعالیتونو او همکارۍ له امله وستایل شو.
د غونډې په پای کې، د کمېسیون اړوندو موضوعاتو په اړه بحث او نظرونه شریک شول او لازمې پرېکړې وشوې.
د یادونې وړ ده، چې په دې غونډه کې کمېسیون ته راجع شوي ۲۰ ټوکه کتابونه د کمېسیون غړو ته ووېشل شول، تر څو یې راتلونکې غونډې ته راپور وړاندې کړي.
١٤٠٥/٧/١٣ ه ل
