غور کې د سیمهییزو رسنیو له استازو او د امارتي ادارو له مطبوعاتو مسؤلینو سره د همغږۍ غونډه وشوه
د غور اطلاعاتو او فرهنګ ریاست له لوري د امارتي ادارو له مطبوعاتي مسؤلینو او د سیمهییزو رسنیو له استازو سره په رسنیزو چارو کې د لا زیاتې همغږۍ او پر وخت او دقیق اطلاعرسونې په موخه د همغږۍ غونډه ترسره شوه.
د اطلاعاتو او فرهنګ رئیس د رسنیو د ستونزو د څیړلو ترڅنګ د اطلاعرسونې د وضعیت د ښه والي په اړه خبرې وکړې او د راپورونو او خبرونو د رسنیز کولو په برخه کې یې د رسنیو له ترسره کړیو هڅو څخه مننه وکړه.
نوموړي رسنیزې چارې مهم مسؤولیت وباله او د غور د رسنیو له مسؤلینو او خبریالانو څخه یې وغوښتل چې د لا زیاتې همغږۍ له لارې هڅه وکړي، چې د امارتي ادارو ترسره شوي فعالیتونه او لاستهراوړنې لا ډېرې تر پوښښ لاندې ونیول شي.
د امارتي ادارو مسؤلینو او ویاندویانو د اطلاعرسونې د ښه والي او رسنیو ته پر وخت او باوري معلوماتو د رسولو په برخو کې د پوره همکاریو ډاډ څرګند کړ او د رسنیو له مسؤلینو څخه یې وغوښتل چې د پېښو او فعالیتونو د انعکاس لپاره له مطبوعاتي مسؤلینو سره همغږي وساتي.
همدارنګه د خبریالانو د خوندیتوب کمېټې مسؤل او د غور د سیمهییزو رسنیو مسؤلینو د سیمهییزې ادارو او د اطلاعاتو او فرهنګ ریاست له همکاریو او ملاتړ څخه مننه وکړه او د رسنیزو اصولو مطابق د نظام د فعالیتونو او د خلکو د ستونزو پر انعکاس یې ټینګار وکړ.
۱۴۴۷/۱۱/۳۰ هـ ق
