لغمان کې یوه لرغونې سیمه کشف شوه
د لغمان ولایت د اطلاعاتو او کلتور ریاست مسؤلین وایي، چې د الینګار ولسوالۍ اړوند ساو درې (سی تن) کلي کې یې یوه لرغونې سیمه کشف او یو شمېر لرغوني اثار یې موندلي دي.
د اطلاعاتو او کلتور ریاست د لرغونو آبداتو د ساتنې مدیر وویل: د اطلاعاتو او کلتور رئیس په مشرۍ یو پلاوي دې سیمې ته سفر کړی او د ځایي خلکو په مرسته یې د یادې لرغونې سیمې د کشف ترڅنګ ځینې لرغوني آثار هم موندلي دي، د لرغونو آبداتو د مدیر په وینا؛ دغه سیمه له میلاد څخه مخکې دورې پورې اړه لري، چې پکې یوه ډبرینه زینه، ۱۲په لاس کيندل شوې څمڅې او یو شمېر نور معماري شوي آثار موندل شوې دي.
دا په داسې حال کې ده، چې له دې وړاندې هم د اطلاعاتو او کلتور ریاست د لغمان ولایت په بېلابېلو سیمو کې دې ته ورته نورې لرغونو سیمو د کشف ترڅنګ ګڼ شمېر لرغوني آثار موندلي دي.
۱۴۴۷/۶/۲۳هـ ق
