۹ تنه د تاریخي سیمو د غیرقانوني کېندنې او تخریب په تور ونیول شول
د نيمروز ولايت په چخانسور ولسوالۍ کې د ځایي امنیتي مسؤولینو له لوري ٩ تنه د غیرقانوني کېندنې او د تاریخي سیمو د تخریب په تور ونیول شول.
د چخانسور ولسوال مولوي نورالدین حمزه وايي: یادو ۹ تنو چې غوښتل يې د یوې تاریخي کلا په شاخوا کې غیرقانوني کېندنې وکړي، د دوه عراده برقي موټرو، بېلچې او کلنګ سره لاس په لاس د امنیتي ځواکونو له لوري ونیول شول.
د اطلاعاتو او کلتور رئیس مفتي حبیب الله الهام وویل: د عالیقدر امیرالمؤمنین حفظه الله د فرمان پر اساس د تاریخي سیمو خوندیتوب او ساتنه زموږ د ټولو دنده ده، د ولایت په کچه ټول مسؤولین زموږ سره همکار دي، هیچا ته اجازه نه ورکوو، چې په دې برخه کې غیرقانوني کېندنې او یا کړنې ترسره کړي.
۱۴۴۷/۶/۹ هـ ق
