هلمند کې سلګونه ځوانانو ته يو ورځنی علمي سمينار وړاندي شو
د هلمند ولایت د اطلاعاتو او کلتور رياست اړوند د ځوانانو چارو امريت له لوري هلمند فرهنګي مرکز کې سلګونه زده کونکو او ځوانانو ته د فکري رغونې، د نظام ملاتړ او د مشرانو د اطاعت په اړه يو ورځنی علمي سمینار وړاندي شو.
د ځوانانو چارو آمر د سمینار ګډونوالو ته د ښه راغلاست ترڅنګ د ياد سمینار موخه بيان کړه او دا ډول سمینارونه جوړول يې د ځوانانو په علمي کچې لوړونې کې اړين وبلل او د ورته نورو سمینارونو د ترسره کولو ژمنه يې وکړه.
دغه راز یو تن دیني عالم الحاج مولوي عبدالرحیم آغا د نظام د ملاتړ، د مشرانو اطاعت، په ټولنه کې د ځوانانو پر ارزښت او رول په اړه هر اړخيزه وینا وکړه.
ښاغلي عبدالرحیم آغا له ځوانانو څخه وغوښتل چې خپل وخت بې ځایه تیر نه کړي او د علم او زده کړو په ترلاسه کولو کي هيڅ راز هڅې ونه سپموي، ځکه همدا ځوانان دي، چې هيواد ته پرمختګ ورکولای شي.
۱۴۴۷/۶/۴ هـ ق
