پنجشېر کې د ۳۰ قلمه جهادي آثارو راټول شوي دي
د پنجشېر ولایت د اطلاعاتو او کلتور ریاست مسوولین وايي: چې د دې ریاست په هڅو د جهادي موزیم د بډای کولو لپاره ۳۰ قلمه جهادي آثار راټول او جهادي موزیم ته سپارل شوي دي.
د اطلاعاتو او کلتور رئیس مولوي نصرالله ملکزاده وویل: په تېرو شپږو میاشتو کې د جهاد دورې نږدې ۳۰ قلمه بېلابېل آثار د اسلامي امارت له مجاهدینو څخه راټول او د ساتنې لپاره جهادي موزیم ته سپارل شوي دي، همدارنګه په دې موده کې د اسلامي امارت د لسګونو شهیدانو سوانح هم ترتیب شوي دي، ښاغلي ملک زاده ټینګار وکړ، چې د اطلاعاتو او کلتور ریاست د جهادي آثارو په راټولولو او ساتنه کې جدي هڅې کوي.
د یادونې وړ ده، چې اوس مهال د پنجشېر جهادي موزیم د پنجشېر د اطلاعاتو او کلتور ریاست تر چتر لاندې فعالیت کوي او ټول هغه آثار او اسناد چې په شهیدانو پورې اړه لري او د لاسرسي وړ دي، په کې ساتل کیږي.
۱۴۴۷/۴/۵ هـ ق
