لغمان کې ۷۰ تنه زده کوونکي د انګلیسي او کمپیوټر له زدکړو څخه فارغ شول
د لغمان اطلاعاتو او کلتور ریاست ښونیز مرکز د څلورمې دورې څخه ۷۰ تنه زده کوونکي د انګلیسي او کمپیوټر له ابتدایي زده کړو څخه فارغ شول.
د اطلاعاتو او کلتور رئیس مولوي عبدالنور رسولي وویل، چې له دغه ښونیز مرکز څخه ۴۷ تنه د کمپیوټر او ۲۳ تنه د انګلیسي له ابتدایي وړیا زدکړو فارغ شول
په ورته وخت کې د ځوانانو چارو امر وویل: لغماني ځوانانو ته یې د علم او عامه پوهاوي ترلاسه کولو بېلابېل لنډ مهالي پروګرامونو په وړیا او تخفیف توګه ترسره کړي دي او لاهم هڅه کوي چې دې برخه کې لا نور کار او خدمت ترسره شي.
بل لور ته فارغ شویو ځوانانو د اطلاعاتو او کلتور ریاست څخه د وړیا زده کړو زمینې برابرولو په موخه مننه وکړه او د ورته نورو پرګرامونو جوړول غوښتونکي شول.
۱۴۴۶/۱۲/۸ هـ ق
