بادغیس کې له ښوونیز مرکز څخه سلګونه ځوانان فارغ شول
چهارشنبه ( ۴ محرم الحرام ۱۴۴۶ ) بادغیس ولایت کې د اطلاعاتو او کلتور ریاست له ښوونيز مرکز څخه ۱۹۷ ځوانان فارغ او د يوې غونډۍ په ترڅ کې يې د فراغت سندونه ترلاسه کړل.
په فراغت غونډه کې د اطلاعاتو او کلتور رئيس مطیع الله متقي وویل: داطلاعاتو او کلتور رياست هڅه کوي، چې ځوانانو ته د فني زده کړو زمینه برابره کړي، هغه خوښي څرګنده کړه، چې ځوانانو له ښوونيز مرکز څخه د فراغت سندونه ترلاسه کړل.
د بادغیس مرستیال والي مولوي غلام محمد محمدي د خپلو خبرو په ترڅ کې له ځوانانو وغوښتل، چې د دیني علومو ترڅنګ عصري علوم لکه کمپیوټر او ساینس هم زده کړي، تر څو د پوهې کچه يې لوړه شي.
د غونډې په وروستيو شيبو کې فارغو شويو ۱۹۷ تنه ځوانانو ته د اطلاعاتو او کلتور رياست له لوري د فراغت سندونه ورکړل شول.
۱۴۰۳/۴/۲۱ ھ ل
۲۰۲۴/۷/۱۱ ميلادي
