میدان وردګو کې د بې وزله ځوانانو لپاره په کم لګښت د زده کړو فرصت برابر کړل شو
سه شنبه ( ۱۲ د رجب المرجب ۱۴۴۵) د اطلاعاتو او کلتور ریاست اړوند ځوانانو چارو آمریت له لوري له فیضان ښوونیز مرکز سره د بې وزله ځوانانو د جذب په موخه په (۴۰) سلنه کم لګښت هوکړه وشوه.
یاد ښوونیز مرکز په میدان ښار کې ځوانانو ته د کانکور آمادګۍ، ساینسي علومو، د ښوونځيو کتابونو زده کړې، کمپیوټر او انګليسي په برخو کې د زده کړو زمینه برابره کړي.
د اطلاعاتو او کلتور رئیس مولوي حبيب الله مجاهد د فیضان ښوونیر مرکز د مسؤل ښاغلي محمد عثمان غورځنګ څخه مننه وکړه، چې ځوانانو ته یې د زده کړو د فرصت په برابرولو کې له ځوانانو چارو آمریت سره همکاري وکړه، نوموړي له هغه زده کوونکو څخه چې د اقتصادي ستونزو له امله نشي کولای زده کړې وکړي، وغوښتل چې یاد ریاست ته راشي تر څو په کم لګښت د زده کړو لپاره معرفي شي.
د ځوانانو چارو آمر مولوي عبدالعزيز عزام وویل: هڅه کوو، تر څو د ځوانانو په یووالي کار وکړو، د تعلیم او کلتور په برخه کې ورته لازم فرصتونه برابر کړو او اقتصادي ستونزو په نظر کې نيولو سره په تعليمي برخو کې د جذب په موخه همکاري ور سره وکړو.
