غزني کې د ( يووالي او ازادۍ) تر نامه لاندې مشاعره ترسره شوه
تېره ورځ د غزني ولايت د اطلاعاتو او کلتور رياست له لوري په ياد رياست کې د دولتي چارواکو، لېکوالانو، ترنم کوونکو او لسګونه شاعرانو په شتون کې د ( يووالي او ازادۍ ) تر نامه لاندې ستره مشاعره ترسره شوه.
د غزني د اطلاعاتو او کلتور رئیس ملاحمیدالله نثار د یادې مشاعرې د جوړولو اصلي موخه د ولس تر منځ یووالی، د شاعرانو انسجام، د شعر په بڼه د هېواد د آزادیو یادونه او د شاعرانو تر منځ همغږي بولي.
یاده مشاعره کې شاعرانو او ترنم ویونکو خپل شعرونه، غزلې او ترنم د هېواد د آزادۍ، د قومونو ترمنځ د یووالي او د اسلامي امارت د مجاهدینو د قربانیو او سرښندنو په ویاړ دکلمه کړل.
۱۴۴۵/۶/۲۲ هـ ق
۱۴۰۲/۱۰/۱۴ هـ ش
