نیمروز ولایت کې د کلتوري کمېټې نوبتي غونډه تر سره شوه
نن چهار شنبه (۲۳ د جمادی الاول ۱۴۴۵) د نيمروز ولايت کلتوري کمېټې نوبتي غونډه د اطلاعاتو او کلتور رئيس، الحاج مفتي حبيبالله "الهام" په مشرۍ او د امنیه قومندانۍ، ښاروالۍ، د تخنیکي او مسلکي زدهکړو د ادارو د استازو او د یادې کمېټې د نورو غړو په حضور درلودو سره ترسره شوه.
د نيمروز ولايت د اطلاعاتو او کلتور رئيس، الحاج مفتي حبيبالله الهام د کلتوري کمېټې په اړه وویل، د يادې کمېټې له جوړېدو څخه يې موخه په ټولنه کې د شته کلتوري تشې او کلتورې يرغل مخه نيول او د اسلامي او ملي ارزښتونو او افغاني کلتور سره سم، د کلتوري ډګر د پياوړتيا او ودې ورکول دي، همدارنګه نوموړي د کلتوري ودې او پرمختګ اړوند کړنو راپور، د يادې کمیټې غړو ته وړاندې کړ.
په ياده غونډه کې د کميټې غړو د ښار په کچه کلتوري موضوعات، نيمګړتياوې او ستونزې وړاندې کړې او په تړاو يې بحث او د نظرونو تبادله وکړه، چې په اړه يې اړينې پریکړې هم ونيول شوې.
