اطلاعاتو او کلتور ریاست کې میاشتنۍ مشاعره ترسره شوه

 
 تېره ورځ د هلمند ولایت په اطلاعاتو او کلتور ریاست کې میاشتنۍ مشاعره ترسره شوه، چي پکې ددې ریاست د هنري فعالیتونو د تنظیم مدیر حافظ احمدالله فهیم، د هلمند جریدې عمومي مدیر سیدمحمد حيرت، له مرکز لښکرګاه او ولسوالیو څخه راغلو شاعرانو او لیکوالانو ګډون درلود.
مشاعره د قران مجید د مبارکو آیاتونو په تلاوت سره پيل شوه.
په پيل کې د هنري فعالیتونو مدیر له شاعرانو او لیکوالانو څخه وغوښتل چې همېشه د اطلاعاتو او کلتور ریاست سره خپلې مشورې، وړاندیزونه او غوښتنې شریکې کړي. تر څو په هلمند کې کلتوري فعالیتونه نور هم پیاوړي او معیاري شي.
ورپسې ښاغلي سیدمحمد حيرت د پښتو لیکدود په تړاو لکچر وړاندې کړ، چې د نظري بحث ترڅنګ د ګډونوالو د لاښه پوهاوي په موخه په عملي ډول د پښتو لیک تمرین هم ترسره شو. همدارنګه ښاغلي حیرت له شاعرانو وغوښتل چې د شعر او نظم لیکلو سره سره باید نثر ته ته هم  کار وکړي.
ورپسې راغلو شاعرانو او نعت ویوونکو د نعتونو، حمدونو او حماسي شعرونو ترڅنګ عشقي او طنزيه شعرونه پرګډونوالو ولورول.

۱۴۴۵/۴/۱۹ هـ ق
۱۴۰۲/۸/۱۲ هـ ش